"Манчестер Юнайтед" марказий ҳимоячиси Лисандро Мартинес жароҳатидан тикланиш даврида қандай қийинчиликларга дуч келгани ҳақида гапирди.
Аргентиналик футболчи 2025 йил бошида хочсимон пайининг ёрилиши туфайли сафдан чиққан ва фақат ноябрь ойида майдонга қайтганди.
"Реабилитациянинг дастлабки икки-уч ҳафтасидан кейин футбол ўйнашни хоҳламадим. Ўшанда ўзимга-ўзим: "Ўйин ҳақида бошқа эшитишни истамайман" деганман," - дея Мартинеснинг сўзларини келтиради AFA Estudio.
18 январь куни жаҳон чемпиони 28 ёшни қарши олади. Жорий мавсумда марказий ҳимоячи "қизил иблислар" сафида барча мусобақаларда ўнта ўйинда майдонга тушди.
