"Пари Сен-Жермен" клуби ҳужумчи Усмон Дембеле билан шартномани узайтирмоқчи. Инсайдер Фабрицио Романонинг хабар беришича, музокаралар бошланғич босқичда. "ПСЖ" 28 ёшли футболчини меҳнат шартномасини узайтириш режалари ҳақида хабардор қилган, бироқ ҳозирча расмий таклиф билан чиқмаган.
Яқинда ОАВда Усмон Дембеле "ПСЖ" билан шартномани узайтиришдан бош тортгани ҳақида хабарлар тарқалди. "Олтин тўп" соҳибининг амалдаги шартномаси 2028 йилнинг ярмигача мўлжалланган. Жорий мавсумда форвард Луис Энрике жамоаси сафида барча мусобақаларда 17 та ўйинда майдонга тушиб, 6 та гол ва 4 та ассистни ўз ҳисобига ёздириб қўйди.
