Мадриднинг "Реал" клуби Испания Кубоги 1/8 финалида "Альбасете"га имкониятни бой бериб, футбол жамоатчилигини шокка туширди. Сегунда аутсайдери мадридликларни 3:2 ҳисобила енгди. Инсайдер Хосе Луис Санчеснинг ёзишича, "қаймоқранглилар"нинг янги мураббий Альваро Арбелоа қўл остидаги дебют ўйинидаги сенсацион мағлубиятдан сўнг ҳеч бир футболчи гап топа олмади. Кийиниш хонасида "тобут сукунати" ҳукм сурарди.
Арбелоа душанба куни "Барселона"га (2:3) Испания Суперкубоги финалида мағлуб бўлганидан кўп ўтмай Хаби Алонсо ўрнига иш бошлади.
Кейинги ўйинда "Реал" ўз уйида "Леванте"ни қабул қилади. Учрашув шанба куни бўлиб ўтади.
