"Ноттингем Форест" "Арсенал"дан ижара асосида жамоада ўйнаётган ҳимоячи Александр Зинченкога умид қилмаяпти.
BBC журналисти Сами Мокбелнинг сўзларига кўра, "ўрмончилар" украиналик билан ижара шартномасини муддатидан олдин бекор қилишга тайёр, бироқ муаммо шундаки, шартномада муддатидан олдин бекор қилиш имконияти кўзда тутилмаган. Энди якуний қарор футболчидан қутулиш учун жарима тўлаши мумкин бўлган "Ноттингем"да бўлади.
"Ноттингем Форест" Александр Зинченкони 2025 йилнинг сентябрида "Арсенал"дан жорий мавсум охиригача ижарага олган эди. Жорий мавсумда украиналик футболчи "ўрмончилар" сафида барча мусобақаларда 10 та ўйинда майдонга тушиб, самарали ҳаракат қилмади.
