Мадриднинг "Реал" клуби янги устози Альваро Арбелоа кутилмаганда Испания Кубогидан чиқиб кетганидан кейин клуб президентига изоҳ беришга мажбур эмаслигини айтди.
Чоршанба куни "қаймоқранглилар" 1/8 финалда Сегунданинг "Альбасете" жамоасига ютқазди (2:3). Бу Мадрид грандининг янги мураббий қўл остидаги илк ўйини бўлди.
"Мен президент Пересга ҳеч нарсани тушунтиришга мажбур эмасман. У кўп йиллар давомида "Реал"нинг раҳбари ва мухлиси бўлгани учун ҳаммасини жуда яхши тушунади. У бу клубнинг тарихини билади. Аламли мағлубиятга учрадик, лекин келажакка қараймиз. Ла Лига ва Чемпионлар Лигаси ҳақида ўйлаш керак. Бу синовни енгиб ўтиш керак," - дея мураббийнинг сўзларини келтиради Madrid Universal.
