Альваро Арбелоанинг "Реал" бош мураббийлигидаги дебюти омадсиз кечди - жамоа кутилмаганда "Альбасете"га енгилиб (2:3), Испания Кубогидан чиқиб кетди.
El Chiringuito дастурида ўйиндан сўнг "Реал" кийиниш хонасидаги вазият худди дафн маросимидагидек бўлгани ҳақида маълумот берилди. Футболчилар ҳеч нарса демай, фақат бошларини эгиб жим туришган.
Манба маълумотига кўра, Арбелоа вазиятга аралашиб, футболчиларни ўзини қўлга олишга чақирган. Мураббий бу муваффақиятсизлик учун ўйинчилар эмас, айнан ўзи жавобгар эканлигини таъкидлаган.
17 январь шанба куни "Реал" Испания чемпионатида "Леванте"га қарши уй майдонида ўйин ўтказади.
