Ҳужумчи Эндрик ёзда жаҳон чемпионатида иштирок этадиган Бразилия терма жамоаси ҳақидаги саволга жавоб берди.
- Анчелотти сизни албатта жаҳон чемпионатига олиб боради, деб ҳисоблайсизми ёки ҳаммаси ўйинингизга боғлиқми?
- Бразилия терма жамоаси - дунёдаги энг муҳим жамоа. У ерда ҳеч кимнинг таркибда кафолатланган ўрни йўқ. Мен яна терма жамоада ўйнашни истайман, аммо бу "Лион"даги ўйинларимнинг натижаси бўлади. Биринчи ўйинда мен вазифани бажардим ва Франция кубогида кейинги босқичга чиқдик. Клуб учун биринчи голни уриш ажойиб бўлди, лекин кўпроғига интилиш керак. Агар кўпроқ гол урсам, Бразилия терма жамоасига чақирилиш имкониятим ошади," - дея Эндрикнинг сўзларини келтиради Marca.
Эндрик 2026 йил бошидан бери "Лион" шарафини ҳимоя қилмоқда - французлар 19 ёшли форвардни "Реал"дан ижарага олишган.
