"Реал"дагилар Арда Гюлер ва Франко Мастантуононинг ўйинларидан норози.

AS нашрининг таъкидлашича, клуб ҳар икки футболчининг ўйинини синчковлик билан ўрганмоқда ва улар кутилганидек ривожланмаяпти, деб ҳисобламоқда.

Жамоадагилар туркиялик хавбек учун танланган роль ҳозирча унга тўғри келмаслигини ҳис қилишмоқда. "У ҳатто янги Лука Модрич бўлиш учун зарур бўлган ўйинга ҳам яқин эмас," - дейилади нашрда.

Яхши сигналлар ҳам борлигига қарамай, Гюлернинг масъулиятли вазиятлардаги ўйин даражаси хавотир уйғотади.

Аммо "Реал"ни Мастантуононинг ўйинлари янада кўпроқ хавотирга солмоқда. Франко асосий таркибда ўйнаш учун олиб келинди, аммо мураббийлар штаби муваффақиятсиз ўйинлар фонида унга ишончни йўқотди.

Таъкидланишича, ҳозирда ҳар икки футболчининг жамоадаги ўрни хавф остида.