«Барселона» бош мураббийи Ханс-Дитер Флик Испания Кубоги 1/8 финалида «Расинг»га қарши учрашув (2:0) олдидан жамоани қандай руҳлантиргани ҳақида саволга жавоб берди. Бу ўйин арафасида «Реал» Сегунда клуби «Альбасете»га 2:3 ҳисобида мағлуб бўлган эди.
«Бундай ўйинлар ном билан эмас, муносабат билан ютилади. “Расинг” учун бу сўнгги йиллардаги энг муҳим ўйинлардан бири. Биз Суперкубокдаги ғалабадан кейин келдик, аммо бундай баҳслар фақат жиддий ёндашув ва тўғри руҳият билан ютилади», — дея Фликнинг сўзларини келтиради Sport.es.
Айни пайтда Испания Кубогининг амалдаги соҳиби «Барселона» ҳисобланади. 2024/2025 йилги мавсум финалида «кўк-анорранглилар» мадриднинг «Реал» жамоасини қўшимча вақтда 3:2 ҳисобида мағлуб этган эди.













