"Барселона" ҳимоячиси Пау Кубарси "Расинг"га қарши ўйинда (2:0) Жоан Гарсияни эътироф этди.
Гарсия иккинчи бўлим сўнггида бирга-бир вазиятдан жамоасини голдан қутқариб қолди. Агар ушбу вазият гол билан якунланганда томонлар қўшимча бўлимларга йўл олиши мумкин эди.
«Мен хато қилдим ва шу сабабли гол ўтказиб юборишимиз мумкин эди, лекин Жоан Гарсия бизни голдан қутқариб қолди.
Биз жуда яхши формадамиз. Шундай давом эттиришимиз ва ўсишда давом этишимиз керак.
Бу тарихий стадион ва биз бу ерда натижа олиб чиққанимиздан хурсандмиз», - деди Кубарси ўйиндан кейин.
