"Ливерпуль" марказий ҳимоячиси Виржил ван Дейк Англия Премьер-лигасининг яна бир топ-клубини қизиқтириб қолди.
Ўтган йил бошида "қизиллар" сардорининг келажаги мавҳум кўринганди - унинг шартномаси ёзда тугар эди. Журналист Бен Жейкобснинг маълум қилишича, "Челси" нидерландиялик футболчини эркин агент сифатида ўз сафига қўшиб олиш имкониятини кўриб чиққан. Бошқа даъвогарлар сингари, "кўклар" ҳам мерсисайдликлар билан меҳнат шартномасини 2027 йилгача узайтирганида юлдуз марказий ҳимоячи номзодини рад этишди.
Виржил ван Дейк 2018 йил бошидан буён "Ливерпуль" шарафини ҳимоя қилиб келмоқда. Жорий мавсумда 34 ёшли футболчи Арне Слот жамоаси сафида 29 та ўйинда майдонга тушиб, 2 та гол урган.
