"Манчестер Юнайтед"нинг собиқ футболчиси Андрей Канчельскис "қизил иблислар"нинг ҳозирги футболчилари ҳақида танқидий фикр билдирди.
"Катта пулни олишади, уларнинг базаси "Хилтон"никидан яхшироқ. Ва ҳеч нарса қила олишмайди. Чунки улар ёнмайдилар! Клубга бор-йўғингни беришинг керак. Улар шунча пул олишади-ю, барларда юришади", - дея футбол экспертининг сўзларини келтиради "Спорт-Экспресс".
Англия премьер-лигасининг 21-туридан сўнг манкунианликлар 32 очко жамғариб, турнир жадвалида еттинчи ўринда бормоқда. Мамлакат чемпионатининг навбатдаги учрашувида "қизил иблислар" ўз майдонида "Манчестер Сити"га қарши майдонга тушади. Дерби 17 январь куни бўлиб ўтади.
