"Ливерпуль" раҳбарияти "Реал"нинг собиқ бош мураббийи Хаби Алонсога кўз тикмоқда.
Жеймс Уотленднинг сўзларига кўра, "қизиллар" босслари испаниялик мутахассисни анчадан буён кузатиб келишмоқда. Унинг яқинда ишдан бўшатилиши клуб устози Арне Слотга босимни янада кучайтирди. "Ливерпуль" раҳбарияти томонидан январь ойида янги футболчилар сотиб олинмагани нидерландиялик мутахассис атрофидаги вазият билан боғлиқ ноаниқликни акс эттиради. Агар Слот ишдан бўшатилса, Англиянинг амалдаги чемпионлари Алонсога мурожаат қилишлари мумкин.
Айни пайтда "Ливерпуль" Англия Премьер-лигасининг 21-туридан кейин 35 очко жамғариб, турнир жадвалида тўртинчи ўринда бормоқда.
