"Ливерпуль" бош мураббийи Арне Слот ҳужумчи Муҳаммад Салоҳнинг тез орада клуб ихтиёрига қайтиши ҳақида фикр билдирди.
Миср терма жамоаси шанба куни Африка кубогида учинчи ўрин учун Нигерияга қарши баҳс олиб боради.
"Аввало, Салоҳ шанба куни Миср терма жамоаси сафида муҳим ўйин ўтказиб, кейин сафимизга қайтади. Унинг қайтишидан хурсандман. Муҳаммад "Ливерпуль" ва шахсан мен учун жуда муҳим эди, шунинг учун унинг қайтишидан хурсандман. Агар ихтиёримда 15 ҳужумчи бўлганида ҳам, барибир, Салоҳ билан яна кўришганимдан хурсанд бўлардим. Яхшиямки, у шанба кунги муҳим ўйиндан кейин қайтади," - деди Слот матбуот анжуманида.
17 январь куни "Ливерпуль" Премьер-лига доирасида ўз майдонида "Бёрнли"га қарши баҳс олиб боради.
