Таниқли инсайдер Фабрицио Романо "ПСЖ" "Барселона" ярим ҳимоячиси Педро (Дро) Фернандесга қизиқиш билдираётгани ҳақидаги маълумотни тасдиқлади.
Аввалроқ, Испания ОАВлари 18 ёшли футболчи жамоадошларига тез орада "ПСЖ"га ўтиши ҳақида хабар берганини маълум қилганди. Романонинг таъкидлашича, француз гранди ҳақиқатан ҳам истиқболли испанга таклиф билан мурожаат қилган. Томонлар ўртасида музокаралар аллақачон олиб борилмоқда. Парижликлар футболчини 6 млн еврога сотиб олиши мумкин - унинг "Барселона" билан амалдаги шартномасида айнан шундай товон пули кўрсатилган.
Инсайдер Дронинг жорий ойда Каталония клубини тарк этмоқчи экани ҳақидаги маълумотни ҳам тасдиқлади.
