Куни кеча Майкл Кэррик "Манчестер Юнайтед"ни қабул қилиб олди ва мавсум якунига қадар жамоа билан ишлайди. Ёзда эса "қизил иблислар" янада тажрибали мураббийни тайинлаши кутилмоқда.
"Манчестер Юнайтед"ни ёзда ҳозирда "Кристал Пэлас"ни бошқараётган Оливер Гласнер қабул қилиб олиши мумкин. Матбуот анчадан бери австрияликни манкунианлар билан боғлаб келади.
"Оливер Гласнер "Манчестер Юнайтед"нинг навбатдаги бош мураббийи лавозими учун яққол фаворитга айланди," - деб бошланади The Standard саҳифаларидаги мақола.
Кеча Оливер Гласнер мавсум якунида "бургутлар"ни тарк этишини айтганди.
Гласнер билан "Кристал Пэлас" 2025 йилда Англия кубоги ва Суперкубогини қўлга киритди.
