"Манчестер Сити" бош мураббийи Хосеп Гвардиола "Кристал Пэлас" марказий ҳимоячиси Марк Гехи билан шартнома имзолаётгани ҳақидаги хабарга изоҳ берди.
"Шаҳарликлар" шанба кунги "Сандерленд"га қарши ўйин қайдномасидан ўрин олмаган "бургутлар" сардори бўйича келишувни яқин кунларда ёпиши кутилмоқда.
"Мен клубимдан расмий маълумотларни эшитмадим. Ўйлайманки, ҳаммаси тайёр бўлгач, бу ҳақда менга хабар беришади ва сиз ҳам билиб оласиз. Кўриниб турибдики, биз бунга яқинмиз, аммо мен ҳозиргина Ферран Сориано ва Угу Виана билан гаплашдим - улар менга бу ҳақда ҳеч нарса айтишмади," - дея Гвардиоланинг сўзларини келтиради City Xtra.
