"Барселона" бош мураббийи Ханс-Дитер Флик 18 ёшли Дро Фернандес клубни тарк этиши мумкинлиги ҳақидаги миш-мишларга муносабат билдирди.
"Биз "Барса"миз ва ҳозирда дунёдаги энг яхши жамоалардан биримиз. Биз Ла Масия тарбияланувчиларига машғулот ўтказиш, ўсиш ва дунёнинг энг яхши футболчилари билан ўйнаш имкониятини берамиз. Биз уларга ишонамиз ва уларни қўллаб-қувватлаймиз.
Агар кимдир "Барса"да ўйнашни истаса, бунга 100 фоиз юрагини бағишлаши керак. У шу билан яшаши керак. Футболчиларимда айнан шуни кўришни истайман. Мураббий сифатида сиз кўп куч сарфлайсиз, уларга ишонч қўшишга ёрдам берасиз, лекин уларнинг атрофида кўп одамлар бор.
Агар у охир-оқибат бошқа клубга кетса, ўшанда мендан сўранг ва мен жавоб бераман, лекин ҳозир у биз билан", - деди Флик.
