"Манчестер Юнайтед" бош мураббийи Майкл Кэррик жамоа ярим ҳимоячиси Кобби Майнунинг ўйини ҳақида гапирди.
Футболчи манкунианликларнинг АПЛ 22-туридан ўрин олган "Сити"га қарши Манчестер дербисида асосий таркибда майдонга тушди. Майну майдонда тўлиқ 90 дақиқа ҳаракат қилди.
"Кобби Майну - ажойиб ўйинчи, унда улкан истеъдод, улкан қобилият бор. У ниҳоятда муҳим ўйинларда майдонга тушди ва ўзини кўрсатди. Мен унинг ўзини янада яхши томондан кўрсатишини интиқлик билан кутяпман," - дея мутахассиснинг сўзларини келтиради Sky Sports.
Учрашув 2:0 ҳисобида "Юнайтед" фойдасига ҳал бўлди. Майну самарали ҳаракатлар билан ажралиб турмади.
2025/2026 йилги мавсумда 20 ёшли футболчи барча мусобақаларда 15 та ўйинда майдонга тушиб, битта голли узатмани амалга оширди. Унинг бозор қиймати 40 млн еврони ташкил этади.
