Ҳужумчи Жан-Филипп Матета тез орада "Кристал Пэлас"дан Италия чемпионатига кўчиб ўтиши мумкин.
Журналист Жанлука Ди Марционинг ўз сайтида маълум қилишича, футболчига жиддий қизиқиш билдираётган "Ювентус" ҳужумчини икки миллион еврога ижарага олиб, кейинчалик 28 миллион еврога тўлиқ трансфер қилмоқчи. Футболчини мажбурий сотиб олиш шарти келишувга киритилади ва клуб Европа Лигасига чиққан тақдирда ишга тушади.
Бу мавсумда Матета АПЛда 22та ўйинда майдонга тушиб, 8 марта рақиблар дарвозасини ишғол қилди. Унинг инглиз клуби билан меҳнат шартномаси 2027 йилнинг ярмигача мўлжалланган бўлиб, трансфер қиймати 40 миллион еврога баҳоланмоқда.
