"Барселона" ҳимоячиси Даниэл Алвес клуб рахбариятининг жамоа ҳимоячиси Эрик Абидаль билан шартномани узайтирмагани унга ёқмагани ҳақида гапириб ўтди. Унинг фикрларини Goal.com сайти эълон қилган.
"Абидалнинг кетиши мен учун ёқимсиз сюрприз бўлди. У жамоага келиб муваффақиятлар учун қандай ҳисса қўшганини билиб туриб унга шартнома таклиф этишмаганидан жаҳлим чиқяпти.
Унинг хасталикдан соғайиб қайтиши ва "Барса" ўйинчиси бўлиб ўйнашни давом эттиришини хоҳлагандим. Лекин Эрик келганида унга янги шартнома таклиф қилишгани йўқ.
"Барселона" унинг тикланиши учун кўп ёрдам қўлини чўзди, шунинг учун ҳам айнан "Барса" "жамоадан ҳам ортиқроқ" жамоадир. Умуман олганда, бу ҳолатдан менда ҳар хил тасаввур пайдо бўлди.
Мен шунчаки футболнинг ҳаққонийроқ бўлишини истардим. Эрик ҳар қандай ҳолатда ҳам мен учун намуна бўлиб қолаверади", деди Даниэл Алвес.
Эслатиб ўтамиз, 34 ёшли Абидаль Каталониядан кетгач "Монако" билан шартнома имзолади.
