Мадриднинг "Реал" клуби ҳимоячиси Рауль Асенсио "қаймоқранглилар"нинг янги бош мураббийи Альваро Арбелоанинг футболчиларга қўяётган талаблари ҳақидаги саволга жавоб қайтарди.

- У биздан роҳатланишни сўраяпти. Бош қаҳрамон бўлиш ва ҳукмронлик қилиш. Рақибга эмас, ўзингизга эътибор қаратинг. Аста-секин мақсадимизга эришамиз," - дея Асенсионинг сўзларини келтиради AS.

17 январь, шанба куни Арбелоа шогирдлари Испания Примерасининг 20-туридан ўрин олган "Леванте"га қарши баҳс олиб борди. Унда "Реал" 2:0 ҳисобида ғалаба қозонди. 90-дақиқада Асенсио захирага олинди. Испания чемпионатидаги 20 ўйиндан сўнг "Қироллик клуби" 48 очко жамғариб, 2-ўринда бормоқда.

Арбелоа "Реал"ни 13 январь куни қабул қилиб олди.