Madridning "Real" klubi himoyachisi Raul Asensio "qaymoqranglilar"ning yangi bosh murabbiyi Alvaro Arbeloaning futbolchilarga qo‘yayotgan talablari haqidagi savolga javob qaytardi.
- U bizdan rohatlanishni so‘rayapti. Bosh qahramon bo‘lish va hukmronlik qilish. Raqibga emas, o‘zingizga e’tibor qarating. Asta-sekin maqsadimizga erishamiz," - deya Asensioning so‘zlarini keltiradi AS.
17 yanvar, shanba kuni Arbeloa shogirdlari Ispaniya Primerasining 20-turidan o‘rin olgan "Levante"ga qarshi bahs olib bordi. Unda "Real" 2:0 hisobida g‘alaba qozondi. 90-daqiqada Asensio zaxiraga olindi. Ispaniya chempionatidagi 20 o‘yindan so‘ng "Qirollik klubi" 48 ochko jamg‘arib, 2-o‘rinda bormoqda.
Arbeloa "Real"ni 13 yanvar kuni qabul qilib oldi.
