"Жирона" клуби расмий сайтида 20 ёшли ярим ҳимоячи Клаудио Эчеверри "Манчестер Сити"дан жорий мавсум якунига қадар ижара асосида трансфер қилинганини эълон қилди.
Аргентиналик хавбек мавсумнинг биринчи қисмини Леверкузеннинг "Байер" клубида ижарада ўтказди. Эчеверри Германия чемпионати ва Чемпионлар лигасида 11 та ўйинда майдонга тушиб, битта голли узатмани амалга оширган.
Ярим ҳимоячининг ҳуқуқи 2024 йилнинг январидан бери "Манчестер Сити"га тегишли. "Шаҳарликлар" сафида Эчеверрй учта ўйинда майдонга тушиб, гол урган. Футболчининг инглиз клуби билан амалдаги меҳнат шартномаси 2028 йилнинг ёзигача мўлжалланган. Transfermarkt порталида келтирилган маълумотларга кўра, футболчининг бозор нархи 15 млн еврони ташкил этади.
