Самаранинг "Крилья Советов" жамоаси устози Гаджи Гаджиев бизнесмен Сулаймон Керимовнинг "Анжи"ни бошқариш ҳақидаги таклифини қабул қилди. Бу ҳақда "Интерфакс-Юг" ахборот агентлиги мураббийнинг оиласига яқин манбаларга таяниб хабар бермоқда.
"Сешанба куни Гаджи Муслимович бу таклифга розилик берди. Бу ҳақда тез орада - балки бугун - расман эълон қилинади. Шундай бўлиши 99 фоизга аниқ", дея ўз манбасининг келтирган маълумотини чоп этган "Интерфакс-Юг".
Қўшимча қилиш жоиз, Россия терма жамоаси сардори Игорь Денисов бугундан "Анжи" машғулотларига қайтган.
