Якшанба куни Ла Лига доирасида "Реал Сосьедад"га қарши ўйинда "Барселона"га омад кулиб боқмади.
Ханс-Дитер Флик шогирдлари кўплаб гол уриш имкониятларини яратдилар, аммо фақат битта гол урдилар, рақиблари эса иккита гол билан жавоб қайтардилар.
Бундан ташқари, Opta маълумотларига кўра, "Барселона" Европанинг энг яхши беш лигаси бўйича бешта яққол голли вазият яратганига қарамай, мағлуб бўлган яқин тарихдаги иккинчи жамоа бўлди.
Бунгача фақат "Брайтон" 2020 йил сентябрь ойида "Манчестер Юнайтед"га қарши Премьер-лига ўйинида худди шунча имконият билан якунда мағлуб бўлган эди.













