"Милан" бош мураббийи Массимилиано Аллегри 2025/2026 йилги мавсумда жамоасининг чемпионлик имкониятларини баҳолади.

Мутахассиснинг таъкидлашича, клуб олдидаги асосий вазифа — Чемпионлар лигаси йўлланмасини қўлга киритиш бўлиб, "Интер" айни пайтда жуда ишончли ва кучли кўринмоқда.

«Топ-4дан ўрин эгаллашни арифметик жиҳатдан кафолатлаб олганимиздан кейин, кейинги мақсадлар ҳақида ўйлайман. Ҳозир эса Чемпионлар лигасига чиқиш учун 74 очко керак, “Интер” эса ҳозирги формада 86–88 очко жамғариши мумкин. Бу оддий математика», — дея мутахассиснинг сўзларини келтиради Football Italia.

21 турдан сўнг «Милан» 46 очко билан иккинчи ўринда бормоқда ва пешқадам «Интер»дан 3 очкога ортда қолмоқда.