Африка футбол конфедерацияси Африка Миллатлар кубоги финалидаги можаро юзасидан расмий баёнот берди. Соврин учун кечган баҳсда Сенегал ва Марокаш терма жамоалари тўқнаш келди.
Ўйинда ҳакам Сенегалнинг голини инобатга олмади, кейин эса унинг дарвозасига пенальти белгилади. Сенегалликлар мураббийлар штаби норозилик белгиси сифатида жамоани майдондан олиб чиқди. Аммо кейин Сенегал майдонга қайтди, Марокаш пенальтини голга айлантира олмади ва сенегалликлар ғалабани илиб кетди - 1:0.
"Африка футбол конфедерацияси кеча кечқурун Работда бўлиб ўтган Марокаш ва Сенегал ўртасидаги Африка Миллатлар Кубоги финали вақтида баъзи футболчилар ва расмийларнинг номақбул хатти-ҳаракатларини қоралайди.
Ташкилот ўйинлар пайтида ҳар қандай номақбул хатти-ҳаракатларни, айниқса ҳакамлар бригадаси ёки ўйин ташкилотчиларига қарши қаратилган хатти-ҳаракатларни кескин қоралайди. Конфедерация барча видеоёзувларни кўриб чиқади ва айбдорларга нисбатан тегишли чоралар кўриш учун ишни ваколатли органларга топширади", - дейилади ташкилот баёнотида.
