"Атлетико" ҳужумчиси Александр Сёрлот январь ойида ўтказилган 4 та ўйинда 3 та гол урди.
Кеча Диего Симеоне жамоаси Ла Лиганинг 20-тури доирасида ўз майдонида "Алавес"ни 1:0 ҳисобида мағлуб этди. Учрашувдаги ягона, ғалаба голини Сёрлот 48-дақиқада киритди.
Норвегиялик футболчи 2026 йил бошидан буён "Атлетико" урган 4 та голдан 3 тасига муаллифлик қилди. Қайд этилишича, ушбу уч голнинг барчаси бош билан киритилган. Шунингдек, Серлот жамоада ўйиндан гол ура олган ягона футболчи бўлиб қолмоқда: Испания Кубогида "Депортиво"га қарши баҳсда Антуан Гризманн жарима зарбасидан аниқ ижро этган эди.
