Италия чемпионатининг 21-турида "Милан" "Лечче"ни ягона гол эвазига мағлуб этди. Захирадан майдонга тушган немис ҳужумчиси Никлас Фюллькруг учрашув тақдирини ҳал қилган гол муаллифи бўлди.
"Милан"даги биринчи ойим ажойиб ўтмоқда. Мен айнан шу ерга келганимдан жуда бахтиёрман. Мени жуда илиқ кутиб олишди. Ўзига ишонч ҳар қандай ҳужумчи учун жуда муҳим", — дея Фюллькругнинг сўзларини pianetamilan.it келтирди.
Кейинги турда Массимилиано Аллегри жамоаси Римда маҳаллий "Рома"га қарши майдонга тушади.













