Дортмунднинг "Боруссия" клуби ярим ҳимоячи Эмре Жан билан шартномани узайтирмоқчи.

Bild хабарига кўра, "асаларилар" 32 ёшли футболчига 2028 йилнинг 30 июнига қадар янги битим таклиф қилмоқчи. Томонлар аллақачон барча шартларни келишиб олишган. Клуб раҳбарияти футболчига ўз ишончи ва эътирофини билдирмоқчи. Жамоа босслари Жаннинг етакчилик сифатларини алоҳида қадрлашади.

Айни пайтда ҳимоячи "Боруссия"нинг энг кўп маош олувчи футболчиларидан бири ҳисобланади. Унинг маоши йилига тахминан тўққиз миллион еврога баҳоланмоқда. Бироқ янги шартномада иш ҳақини сезиларли даражада камайтириш кўзда тутилган.