"Женоа" ўнг ҳимоячиси Брук Нортон-Каффини сотиб олишга "Ньюкасл", "Вест Хэм" ва "Эвертон" қизиқиш билдирмоқда. Бу ҳақда Football Italia хабар берди.
Манба маълумотларига кўра, футболчининг ҳозирги клуби уни 20 миллион еврога баҳоламоқда. Нортон-Каффи 2024 йил ёзида бонусларсиз 2 миллион евро эвазига "Арсенал"дан "Женоа"га ўтган. "Канонирлар" унинг кейинги сотувидан фоиз олади.
Жароҳатлар ва жисмоний ҳолат билан боғлиқ муаммолар футболчининг А Сериядаги илк ойларига таъсир кўрсатган, бироқ кейинчалик Нортон-Каффи асосий таркиб ўйинчиси сифатида ўзини кўрсата олди. 22 ёшли англиялик жорий мавсумда фақат битта ўйинни дисквалификация сабаб, яна бир сўнгги учрашувни эса мушак жароҳати туфайли ўтказиб юборди.
Аввалроқ "Ювентус", "Интер" ва "Наполи" ҳам Нортон-Каффини ўз сафига қўшиб олишга қарши эмаслиги маълум бўлган эди.
