"Тоттенхэм" бош мураббийи Томас Франк "Вест Хэм"га қарши 1:2 ҳисобидаги мағлубиятдан кейин ҳам ўз лавозимини сақлаб қолди. Бироқ Франк ҳали ҳам босим остида — агар натижалар ёмонлигича қолса, мутахассис ишдан бўшатилиши мумкин.
Франк истеъфога чиқарилган тақдирда, кутилганидек, "Тоттенхэм" вақтинчалик мураббий тайинлайди ва ёзда доимий бош мураббийни олиб келади. The Telegraph хабарига кўра, бундай сценарийда лондонликлар Маурисио Почеттино номзодини кўриб чиқади.
Аввалроқ ОАВда Почеттино АҚШ терма жамоасидаги фаолияти якунлангач, "Тоттенхэм"га қайтишга очиқ экани ҳақида хабарлар тарқалган эди.
Маурисио Почеттино 2014–2019 йилларда "Тоттенхэм"ни бошқарган.
