"Тоттенхэм" ҳимоячиси Дестини Удоджи талончилик қурбонига айланди.
Daily Mail хабарига кўра, жиноятчилар футболчининг қиймати 150 минг фунт стерлинг бўлган Range Rover автомобилини шанба куни "Тоттенхэм"нинг "Вест Хэм"га қарши ўйини (1:2) пайтида бузиб киришган. Автомобилнинг орқа ойнаси синдирилган, багажда эса фақат кийим илгичи ва бир шиша сув қолган.
Эслатиб ўтамиз, 2025 йил сентябрь ойида Удожига кўчада ўқотар қурол билан таҳдид қилинган эди — хабарларга кўра, жиноятчи футбол агенти бўлган.













