"Барселона" дарвозабони Марк-Андре тер Штеген "Жирона"га кетганидан кейин қанча маблағни тежаб қолиши мумкинлиги ҳақида маълумотлар пайдо бўлди.
Аввалроқ "кўк-анорранглилар" ўз дарвозабонини ижарага қўйиб юборгани маълум бўлганди. У бугун тиббий кўрикдан ўтиши керак.
Barca Universal нашри тарқатган хабарга кўра "Барселона" тер Штегеннинг маошидан 500 минг евро иқтисод қилади. Айнан шунча пулни "Жирона" германиялик футболчига тўлайди.
Эслатиб ўтамиз, тер Штеген жорий мавсумда бор йўғи битта ўйин ўтказди.
33 ёшли германияликнинг "Барселона" билан амалдаги меҳнат шартномаси 2028 йилнинг ёзигача мўлжалланган.
