"Валенсия" "Вест Хэм" ярим ҳимоячиси Гидо Родригесни ижарага олиш бўйича келишувга жуда яқин. Бу ҳақда Фабрицио Романо хабар берди.
Маълум қилинишича, "Валенсия" 31 ёшли аргентиналикнинг маошини июнь ойигача тўлаб беради. Битим деярли якунлангани ҳақида Маттео Моретто ҳам хабар берган.
Шу билан бирга, Италия матбуотида тарқалган хабарларга қарамасдан, Родригеснинг "Ювентус"га ўтиши бўйича ҳеч қандай келишув бўлмагани таъкидланмоқда. Футболчи "Ювентус"га таклиф қилинган, аммо музокаралар олдинга силжимаган.
Гвидо Родригес жорий мавсумда жами 8 та ўйинда майдонда 272 дақиқа ҳаракат қилган. Унда голли ҳаракатлар йўқ.













