"Реал" ярим ҳимоячиси Жуд Беллингем Чемпионлар лигаси умумий босқичи 7-турида "Монако" устидан қўлга киритилган йирик ғалаба (6:1) ҳақида фикр билдирди.

"Катта ишонч билан ғалаба қозондик. Бир неча ўйин олдин "Бетис"га қарши ҳам худди шундай ўйнаган эдик, аммо бугун барчаси бошқача кечди. Ўйинни тўлиқ назорат қилгандик, бошиданоқ керакли интенсивликда ҳаракат қилдик. Турнир жадвалида дастлабки саккизталикда мустаҳкам ўрин эгаллаш жуда муҳим эди. Умуман олганда, жамоа ажойиб ўйин кўрсатди. Мен жуда мамнунман. Винисиус ҳақиқатан ҳам жуда яхши ўйнади. У ҳар гал тўпни қабул қилганида хавфли ҳаракат қилди ва кўплаб голли вазиятлар яратди", — дея Беллингемнинг сўзларини UEFA матбуот хизмати келтирди.

Ушбу натижадан сўнг "Реал" 15 очко билан Чемпионлар лигаси умумий босқичи турнир жадвалида иккинчи ўринни эгаллаб турибди. "Монако" эса 9 очко билан 20-поғонада жойлашган.