Лондоннинг "Арсенал" клуби ҳужумчиси Габриэль Жезус Чемпионлар Лигасида Миланнинг "Интер" клубига (3:1) қарши ўйиндан кейин жамоадаги ўрни ҳақидаги саволга жавоб берди.
Бразилиялик футболчи дубль қайд этиб, учрашув қаҳрамонига айланди.
"Ҳамма ўйнашни хоҳлайди. Жамоадошларимга ҳурмат билан қарайман. Мен энди ёш бола эмасман - 28 ёшдаман ва футбол қандай тузилганини тушунаман. Дьёкереш майдонга тушиб, гол урганидан жуда хурсандман. Мен ўзим учун ҳам, у учун ҳам хурсандман. Ишончим комилки, Кай [Хаверц] ҳам имконият бўлганида гол уради," - дея Жезуснинг сўзларини келтиради УEФА.













