"Кристал Пэлас" форварди Жан-Филипп Матета қишки трансферлар даврида жамоани тарк этмоқчи. Бу ҳақда indykaila News хабар бермоқда.
Манбага кўра, футболчи янги чақирув олмоқчи, шунинг учун январь ойидаёқ кетишни режалаштирмоқда. Таъкидланишича, Матета Чемпионлар лигасида иштирок этадиган жамоага ўтишни истамоқда.
Аввалроқ Матета хизматига "Астон Вилла", "Ювентус", "Манчестер Юнайтед" ва "Тоттенхэм" клублари қизиқиш билдираётгани ҳақида хабарлар тарқалган эди.
Жорий мавсумда 28 ёшли Матета барча турнирларда 33 та учрашувда қатнашиб, ўнта гол урди ва иккита самарали узатмани амалга оширди.
