Матбуотда юлдуз ҳужумчи Харри Кейннинг келажаги ҳақида янги маълумотлар пайдо бўлди. Ижтимоий тармоқларда журналист Николо Скиранинг маълум қилишича, 32 ёшли Кейн "Бавария" билан шартномани узайтиришга яқин турибди.
Харри Кейн "Бавария" билан 2028 йилнинг ярмигача мўлжалланган шартнома имзолаши кутилмоқда. Унда яна бир йилга узайтириш имконияти кўрсатилади.
Харри Кейн 2023 йилнинг ёзидан буён "Бавария" шарафини ҳимоя қилиб келмоқда. Ўшандан бери инглиз Мюнхен жамоаси сафида 124 та ўйин ўтказиб, ўз ҳисобига 117 та гол ва 30 та голли узатма ёздириб қўйган.













