"Барселона" яримҳимоячиси Фермин Лопес "Челси"га ўтиши мумкин эди.

Touchline хабарига кўра, "кўклар" футболчининг трансфери бўйича Каталония клубига мурожаат қилганида, "кўк-анорранглилар" президенти Жоан Лапорта агар "Челси" "Барселона"нинг молиявий аҳволини ҳисобга олган ҳолда муносиб таклиф билан чиқса, футболчини сотишга тайёр эди.

Аммо вазиятга жамоа бош мураббийи Ханс-Дитер Флик аралашди. У Лапортага Фермин унинг лойиҳасининг энг муҳим қисмларидан бири эканлигини айтди.

Шунингдек, у ярим ҳимоячи билан шахсан гаплашиб, агар клубда қолса, кўпроқ ўйин амалиётига эга бўлишига ишонтирди. "Барселона" раҳбарияти Фликнинг қарашларини ҳурмат қилади ва унинг қарорларига тўлиқ ишонади.