АҚШ терма жамоаси бош мураббийи Маурисио Почеттино "Тоттенхэм"га қайтишга тайёр.
Журналист Бен Жейкобснинг маълум қилишича, аргентиналик мутахассис яна Англия премьер-лигасида мураббийлик қилмоқчи. У "Тоттенхэм"га қайтишдан мамнун бўларди, аммо 2026 йилги жаҳон чемпионати тугаганидан кейин. "Шпорлар" Томас Франкни мавсум охиригача истеъфога чиқарса, бош мураббийликка бошқа номзодни кўриб чиқиши мумкин.
Эслатиб ўтамиз, Маурисио Почеттино 2014-2019 йилларда "Тоттенхэм"га устозлик қилган. Унинг қўл остида Лондон клуби 2018/19 йилги мавсумда Чемпионлар лигаси финалига чиқди, шунингдек, 2015/16 йилги мавсумда АПЛда иккинчи ўринни эгаллади.













