Ҳуқуқлари Германиянинг "РБ Лейпциг" клубига тегишли бўлган ҳужумкор ярим ҳимоячи Ян Диоманде Англия премьер-лигасининг топ-клубларидан бирининг трансфер мақсади бўлиб турибди.
Caught Offside журналистлари тарқатган хабарга кўра ивуарлик футболчининг трансферини "Ливерпуль" расмийлаштирмоқчи. Мерсисайд гранди раҳбарияти Диоманденинг трансфери учун тахминан 100 миллион евро беришга тайёр. У "қизиллар" сафида мисрлик Муҳаммад Салоҳнинг ўрнини эгаллаши мумкин.
Германия Бундеслигасининг жорий мавсумида 19 ёшли вингер 16 та учрашувда иштирок этди. Диоманде 6 та гол ва 2 та голли узатмага муаллифлик қилди.
