УЕФА матбуот хизмати расмий сайти орқали Мадриднинг «Реал» жамоаси қанот ҳужумчиси Винисиус Жуниор Чемпионлар лигасида ҳафтанинг энг яхши футболчиси деб топилганини маълум қилди.

Бразилиялик вингер «Монако»га қарши ўйинда (6:1) бир гол урди ва учта голли узатма амалга оширди.

Овоз бериш жараёнида Винисиус «Атлетик» ярим ҳимоячиси Роберт Наварро ( «Аталанта»га қарши ўйинда гол ва икки ассист — 3:2), «Барселона» хавбеки Фермин Лопес ( «Славия»га қарши баҳсда дубль — 4:2) ҳамда «Спортинг» ҳужумчиси Луис Суаресни («ПСЖ»га қарши ўйинда дубль — 2:1) ортда қолдирди.

Жорий мавсумда Чемпионлар лигасида Винисиус 7 та ўйинда майдонга тушиб, 1 та гол урди ва 5 та голли узатма амалга оширди.