"Бавария" марказий ҳимоячиси Ким Мин Чжэ келаси ёзда жамоани тарк этиши мумкин.
Мюнхен гранди раҳбарияти футболчини сотишни талаб қилмаяпти, аммо унинг ўзи трансферни сўраса, кетишга қаршилик қилмайди. Журналистлар Тоби Альтшеффл ва Кристиан Фальк маълумотига кўра, Жанубий кореялик футболчи Лондоннинг "Челси" клуби қизиқишлари доирасига тушиб қолган, бошқа даъвогарлар ҳам бор.
Кимнинг режалари ҳозирча ошкор этилмаяпти. 29 ёшли ҳимоячининг "Бавария" билан амалдаги шартномаси 2028 йилнинг ярмигача мўлжалланган бўлиб, унинг трансфер нархи Transfermarkt портали экспертларининг фикрича, 25 млн еврони ташкил этади.
