"Bavariya" markaziy himoyachisi Kim Min Chje kelasi yozda jamoani tark etishi mumkin.
Myunxen grandi rahbariyati futbolchini sotishni talab qilmayapti, ammo uning o‘zi transferni so‘rasa, ketishga qarshilik qilmaydi. Jurnalistlar Tobi Altsheffl va Kristian Falk ma’lumotiga ko‘ra, Janubiy koreyalik futbolchi Londonning "Chelsi" klubi qiziqishlari doirasiga tushib qolgan, boshqa da’vogarlar ham bor.
Kimning rejalari hozircha oshkor etilmayapti. 29 yoshli himoyachining "Bavariya" bilan amaldagi shartnomasi 2028 yilning yarmigacha mo‘ljallangan bo‘lib, uning transfer narxi Transfermarkt portali ekspertlarining fikricha, 25 mln yevroni tashkil etadi.
