"Вулверхэмптон" клуби марказий ҳужумчиси Йорген Странд Ларсен фаолиятини "Кристал Пэлас"да давом эттириши мумкин. Бу ҳақда журналистлар Бен Жейкобс ва Алекс Крук хабар бермоқда.
Манбага кўра, "бургутлар" Странд Ларсеннинг эҳтимолий трансфери бўйича "бўрилар" билан музокара ўтказган. Пойтахт клубидагилар норвегиялик футболчи жамоани тарк этмоқчи бўлган Жан-Филипп Матетанинг ўрнини боса олишига ишонишмоқда. Битим суммаси 46 миллион еврони ташкил этиши мумкин.
Жорий мавсумда Странд Ларсен барча мусобақаларни ҳисобга олган ҳолда 24 та учрашувда қатнашиб, 6 та гол урди ва 2 та голли узатмани ўз ҳисобига ёздириб қўйди.
