UFC'нинг енгил вазн тоифасида (70 кг) икки карра чемпионлик учун даъвогар бўлган америкалик жангчи Жастин Гетжи промоушенда амалда бўлган бонуслар тизимидан норозилигини билдирди.

37 ёшли спортчининг таъкидлашича, фаолияти давомида қўлга киритилган 14 та бонуснинг умумий миқдори 1 миллион АҚШ долларига ҳам етмаган. Унинг фикрича, бонус пуллари жангчиларнинг меҳнати ва хавф даражасига мос равишда сезиларли оширилиши лозим.

“Мен 14 марта бонус олганман, аммо умумий ҳисобда бир миллион долларга ҳам етмайди — бу адолатли эмас. Бонуслар анча кўпроқ миқдорда бўлиши керак. Албатта, мен ўзим ҳам молиявий масалаларда ақллироқ қарорлар қабул қилишим мумкин эди, аммо бундай қилмаганман. Ҳозиргача Даниел Корме барча жангчилар Парамоунт билан тузилган келишув сабабли кўпроқ даромад олишини айтаётганини эшитдим. Мен эса бу келишувдан бир доллар ҳам олмаслигимни биламан”, дейди Гетжи.

Маълумот учун, Жастин Гетжи навбатдаги жангини енгил вазн вақтинчалик чемпионлик камари учун британиялик Педди Пимблеттга қарши ўтказади.