"Реал" ҳужумчиси Браим Диас "Милан"га қайтиши мумкин.
Football Transfers News хабарига кўра, "россонерилар" марокашлик футболчининг трансферини расмийлаштирмоқчи. Миланликлар аллақачон футболчини ўз сафига қўшиб олиш имкониятига қизиқиш билдираётган эди. "Қаймоқранглилар" ўз позициясида қатъий турибди: "Реал" Диасни қўйиб юборишга тайёр, аммо камида 60 миллион евро эвазига.
Эслатиб ўтамиз, Браим Диас 2020-2023 йилларда ҳам "Милан" шарафини ҳимоя қилган. У "россонерилар" сафида жами 124 та ўйинда майдонга тушиб, 18 та гол урган ва 15 та голли узатмани амалга оширган. Ҳужумчининг "Реал" билан амалдаги шартномаси 2027 йилнинг 30 июнига қадар имзоланган. Transfermarkt портали футболчининг нархини 35 миллион еврога баҳоламоқда.













