Ҳужумкор ярим ҳимоячи Ли Кан Инга "Атлетико" қизиқиш билдирмоқда. Аммо, "ПСЖ" Мадрид клуби билан музокарага ҳам киришиб ўтирмади. Marca хабарига кўра, 24 ёшли кореялик футболчининг трансферини парижликлар бош мураббийи Луис Энрике блоклаган. У Ли Кан-Иннинг турли позицияларда ҳаракат қилиш қобилиятини юқори баҳолайди. Мураббийнинг фикрича, бу футболчи "ПСЖ"нинг тактик имкониятларини кенгайтиради.
Ли Кан Ин 2023 йил ёзидан бери "ПСЖ" шарафини ҳимоя қилмоқда. Ўшандан бери жанубий кореялик 106 та расмий ўйин ўтказиб, 14 та гол ва 14 та голли узатмани ўз ҳисобига ёздириб қўйди. Футболчининг Париж гранди билан шартномаси 2028 йилнинг ярмигача мўлжалланган.
